Iniciativa per Occitània
Comunicat
Per un vòte occitan a Ais de Provença
Lo laboratòri Inicitiva per Occitània crida a un vòte occitan a l’eleccion municipala parciala d’Ais de Provença dei 12 e 19 de julhet de 2009.
Se fasèm pas d’illusion subre lo nivèu generau dei listas presentas car ges d’elei garentís que lo desvolopament de l’occitan a Ais pòsca despassar lei mesuras que ja existisson dempuei vint ans, que son positivas de segur, mai que son excessivament insufisentas e sens impacte subre lei practicas lingüisticas e culturalas dei sextians (consistisson a finançar l’Ostau de Provença e lo Centre d’Oralitat de la Lenga d’Òc, dos luòcs utils per leis associacions occitanistas mai pron desconeguts e talhats de la populacion).
Trobam pas un sol programa politic per encoratjar l’usatge concret de l’occitan dins la vida vidanta de la populacion e deis institucions. Pasmens, doas listas parlan timidament de sostenir la cultura occitana e donc poiràn recebre nòstrei sufragis.
La lista “Ais Ecologiaâ€, sostenguda per lei Verds e lo Partit Occitan e menada per un sòci dau Partit Occitan, prepausa solament “d’encoratjar la creacion e la difusion culturala dins lo respècte de la diversitat dei practicas e deis expressions, especialament en lenga d’òcâ€. Concentra subretot son programa subre lo benestar, l’environament e la gestion de l’argent public.
La lista PS-Modèm, “Toteis ensems per Aisâ€, ditz laconicament que vòu “promòure la cultura provençalaâ€. Mai que mai, fa de proposicions detalhadas per l’environament, la justícia sociala e lo desvolopament economic.
Leis autrei listas parlan pas ges de la cultura occitana e, naturalament, cridam la populacion sextiana a pas votar per elei:
La lista “Ais a esquèrraâ€, sostenguda per lo PCF, l’NPA e lo pretendut “Partit d’Esquèrraâ€, desvolopa un programa sociau e totun pron vague. I cau deplorar la preséncia dau Partit d’Esquèrra que son dirigent, Jean-Luc Mélenchon, es un enemic declarat dei minoritats etnolingüisticas.
La lista independenta d’Estefan Salord, “Una escasença nòva per Aisâ€, presenta un programa insufisent que parla mai que mai de “valorsâ€, d’“ambicions†e de “bòna gestionâ€.
La lista “Per l’onor d’una vila†de la consolessa sortenta Marisa Joissains, sostenguda per l’UMP e sei satellits, a un programa fòrça incomplet que quicha sus la gestion dei talhas, sus la “proximitat†e sus lo “raionamentâ€.
Free Occitània!
Lo 9 de julhet de
2009
Iniciativa per
Occitània
http://www.iniciativaoc.org
http://iniciativaoc.midiblogs.com/
http://es.groups.yahoo.com/group/iniciativa-per-occitania/
Offline 
Enviar e-mail