Tiu diskutgrupo intencas helpi disvastigon de
Esperanto en cxiuj naux sxtatoj de Nordorienta Regiono
de Brazilo: Maranjo, Piauxio, Cearao, Norda
Rio-Grando, Paraibo, Pernambuko, Alagoaso, Sergxipo
kaj Bahio. Tiu regiono enhavas preskaux 50 milionojn
da enlogxantoj en areo simila al tiu de grandaj landoj
kiel Irano. Jen celoj de la diskutgrupo:

* Plibonigi komunikadon inter esperantistoj de la
vasta brazila Nordorienta Regiono. Ke cxiu sxtato
informigxu pri la laboro, malfacilajxoj, progresoj kaj
defioj de la aliaj, kaj ankaux intersxangxu ideojn,
spertojn, sugestojn kaj entuziasmon per la listo.

* Pritrakti komunajn aferojn, kiuj interesas al la
tuta regiono, kiel ekzemple plani estontajn regionajn
kongresojn, renkontigxojn, laborkunsidojn, ktp. Ni uzu
la diskutgrupon por plani komunan agadon kaj kune
decidi kion fari por antauxenigi esperanton en nia
regiono.

Almenaux unu esperantisto el cxiu sxtato aligxu al la
listo. Tiu informos al la aliaj samsxtatanoj, kiuj ne
havas aligxon al interreto, pri la informoj, diskutoj,
novajxoj, eblaj decidoj de la listo, kaj nverse.
Fine, ni petas sekvon:

* Bonvole skribu ion pri via agado en via regiono:
kiel mi uzas Esperanton en mia vivo? Kiel fartas
Esperanto en mia urbo? Kiom ofte anoj de mia loka
asocio renkontigxas? ktp.

* Ne forgesu mencii nomon (aux kromnomon), urbon kaj
sxtaton, kie vi logxas.

* Diskonigu cxi grupon al aliaj esperantistoj de
Nordoriento kiel vaste, kiel eble.

La iniciato starigi tiun diskutgrupon aperis laux
sugesto de esperantistoj renkontigxintaj dum la 13a
Laborkunsido de Nordorientaj E-Asocioj. Tiu
laborkunsido okazis en Natal la 28an de Majo 2005.
Gxin partoprenis e-istoj de Alagoaso, Cearao, Norda
Rio-Grando kaj Paraibo.

Kune ni povas cxion ajn!