O MDL é umha associaçom com o objectivo principal de regenerar e fazer normal o uso da língua nacional. Aliás, o galego (português da Galiza) está a atravessar um processo de progressiva assimilaçom ao castelhano, verificável quer no grau de uso, quer nas suas formas (cada vez mais espanholizadas). Dum jeito plural, democrático e aberto temos como objectivos reintegrar a nossa língua na comunidade lusófona (reintegracionismo), e superar o destrutivo conflito linguístico produzido pola imposiçom do espanhol como língua superior e obrigatória para todo o Povo galego.

O nosso movimento forma-se a partir do trabalho de pessoas organizadas por zonas e representadas num Conselho Geral que coordena o seu trabalho dum jeito assemblear. O nosso labor procura o fortalecimento de um corpo que defenda sem entreguismos a total dignificaçom da nossa língua, dentro dumha linha de acçom encaminhada dignificar o papel próprio da cultura e identidade galegas.

Nascemos da fusom de Grupos de defesa da língua locais de base como laço de uniom do movimento lusófono da Galiza, com o fim de poder coordenar-nos e ter força como organismo representativo no País, preocupados pola falta de tensom na sociedade galega na defesa dos seus direitos lingüísticos. Somos conscientes de que as leis, proclamas ou declarações de intenções de aqueles que sempre procurárom a morte da língua, nom lhe darám vida e normalidade.

A estratégia de defesa da língua do nosso grupo vai ligada ao reintegracionismo, única saída à perda de prestígio e falantes da nossa língua.

Podes visitar a nossa página web em: http://mdl-galiza.org/.