Os últimos inquéritos acerca do uso do galego na Galiza mostram mais um claro retrocesso da nossa língua, designadamente entre as camadas mais jovens. Paradoxalmente som aquelas que, de acordo com a legislaçom, tenhem recebido, no mínimo parcialmente, educaçom em galego.

É por isto que, preocupados/as pola situaçom e conscientes do efeito decisivo que está a ter o modelo educativo vigorante para o futuro da língua, tencionamos reunir aqueles interessados em actuar e trabalhar a respeito da educaçom e do ensino efectivo na nossa língua.

Apelamos por isso a todas as pessoas interessadas a entrar na lista para discutir e definirmos as estratêgias, valorizar conjuntamente as opções e procurarmos conjuntamente as soluções.

Visamos também levar a termo alguma iniciativa concreta neste âmbito, onde o galego seja em realidade língua veicular de ensino, relaçom e comunicaçom, garantindo deste jeito a sua transmissom efectiva.

Tencionamos contactar e estabelecer um lugar de reuniom para as numerosas pessoas que, mália as inúmeras dificuldades, continuam a educar as suas filhas e filhos em galego, tanto na Galiza, quanto fora dela, para partilharmos experiências, dicas, apoio e colaboraçom mútua.

Esta lista de correio responde a essa vontade.

---------------------------------------------------------------------------------------------------------------------------------------------------------
PS: Se estás interessado/a em fazer parte, podes contactar connosco atraves deste sítio web ou enviando um correio-e a:
escolaemgalego[arroba]yahoo.com.br